詩集-012 音響迷

音響迷 不知位當時，咱跌落這無底深坑 音響直直升級，唱盤一塊一塊買。 人說這是音響狂，一痟落就變奴隸 避孕藥沒食，囝仔已經生甲足濟個 日時愛賺食，為著暗暝坐咱王位 歌一下放，喇叭重現現場的氛圍 鼓聲配吉他，咱靈魂嘎歌手共振 感動嘎毋話講，合著樂聲兩人相隨 痟音響的一對寶，癮頭實在大 一個規工咧調位擱換線 一個頭揹著耳機寫伊的台語歌 像柴頭合榫，作伙窮分嘿喇叭的樂聲 幾年後下來，咱已經是音響老江湖 喇叭安怎栽，知影各種微調的撇步 咱是跋桮的一對，計較的是纜線的信號 忘記愛炒飯，因為爽到流耳屎膏 痟音響的一對寶，挖洞因尚𠢕 那卡西台語嘎民謠，電音搖滾嘎藍調 別人痟查某，咱看暗普(Amp)瀾直直流 人去Disney，咱去音響展做伙瘋 兩個音響迷，歡喜做妙音的徒弟 機器啊煞到，價數毋在問偌濟 兩個音響迷，歡喜做妙音的徒弟 甘願夭腹肚，器材嘛欲鬥呴齊 嗯～嗯～嗯～ 爽到流耳屎膏，咱是一對音響迷寶...

Im-hióng-bê M̄-tsai uī-tong-sî, lán pua̍h-lo̍h tse bô-té tshim-khenn Im-hióng ti̍t-ti̍t sing-kip, tshiòng-puân tsi̍t-tē tsi̍t-tē bé. Lâng kóng tse sī im-hióng kòng, tsi̍t siáu-lo̍h tio̍h piàn lôo-lē Pī-ūn-io̍h bô tsia̍h, gín-á í-king senn kah tsiok tsē ē. Ri̍t-sî ài thàn-tsia̍h, uī-tio̍h àm-mî tsē lán ông-uī Kua tsi̍t-ē pàng, la-pah tiông-hiān hiān-tiûnn ê hun-uî Kóo-siann phuè ki-tha, lán líng-hun kah kua-tshiú kōng-tsín Kám-tōng kah bô-uā-kóng, ha̍h tio̍h ga̍k-siann nn̄g-lâng siong-suî. Siáu im-hióng ê tsi̍t-tuì pó, ín-thâu si̍t-tsāi tuā Tsi̍t-ê kui-kang leh tiâu-uī koh uann-suànn Tsi̍t-ê thâu phāinn tio̍h hī-ki siá i ê Tâi-gí kua Tshiūnn tshâ-thâu ha̍h-sún, tsuè-hué khîng-hun hē la-pah ê ga̍k-siann. Kuí-nî-āu lo̍h-lâi, lán í-king sī im-hióng lāu-kong-ôo La-pah án-tsuánn tshâi, tsai-iánn kok-tsióng bî-tiâu ê phiat-pōo Lán sī pua̍h-pué ê tsi̍t-tuì, kè-kàu ê sī lám-suànn ê sìn-hō Buē-kì ài tshá-pn̄g, in-uī sóng kah lâu hīnn-sái-kô. Siáu im-hióng ê tsi̍t-tuì pó, oh-khang in siōng-ngâu Ná-khá-si Tâi-gí kah bîn-iau, tiān-im iâu-kún kah lân-tiāu Pa̍t-lâng siáu tsa-bóo, lán khuànn àm-phú nua̍̂ ti̍t-ti̍t lâu. Lâng khì Disney, lán khì im-hióng-tián tsò-hué siáu Nn̄g-ê im-hióng-bê, huann-hí tsuè Miāu-im ê tôo-tē Ki-khì à suah-tio̍h, kè-siàu bô-tī mn̄g guā-tsē Nn̄g-ê im-hióng-bê, huann-hí tsuè Miāu-im ê tôo-tē Kam-guān iau-pak-tóo, khì-tsâi mā buē tàu-hōo-tsê. Ng~ ng~ ng~ Sóng kah lâu hīnn-sái-kô, lán sī tsi̍t-tuì im-hióng-bê-pó

Audiophile Lost track of time, we fell into this bottomless pit Gear keeps cupgrading, vinyl piling up bit by bit. They call it "Hi-Fi madness," a slave to every tone No pills were taken, yet look how many "babies" we own. Grinding through the day, just to claim our evening throne When the needle drops, the soundstage is perfectly grown. Drums and guitars, our souls and the singer resonate Speechless in the moment, two hearts in a harmonic state. Two crazy audiophiles, addicted to the core, One’s swapping cables, shifting speakers on the floor. One’s in his headphones, penning Taiwanese blues, Like mortise and tenon, dialing the sound to perfect hues. Years have passed, we’re veterans of the "Golden Ear" trade Positioning the towers, every micro-adjustment is made. We’re a pair of divining blocks, obsessing over signal flow, Forgot to make love, 'cause the ear-gasm steals the show Two crazy audiophiles, master diggers of this hole From Nagasi and Folk, to EDM, Rock, and Soul. Other guys chase women, glowing Amps make us drool, They go to Disney, the Audio Show is our rule. Two audiophiles, happy disciples of the Sacred Sound Hooked on the machines, where price tags are never bound. Two audiophiles, happy disciples of the Sacred Sound. Starving our bellies, till the ultimate rig is crowned Mmm~ Mmm~ Mmm~ So damn good, earwax is oozing ... we are a pair of audiophile nuts.