詩集-011 藏寶圖

藏寶圖 每一個人的身軀，攏有一張藏寶圖 內底有上天安的機關，揤著身體會趒 使用手冊毋麥影著，家己嘛揣無路 機關安佇佗，靠咱以前的相好 尋寶的路，有個直直，有個彎彎斡斡哩箍 有人足𠢕揣，有人安怎教嘛撒攏毋 每個身軀攏無仝，尋寶袂當用同款步 有的開關輕輕仔揤，有的愛慢慢仔挲 藏寶圖，藏寶圖，標示無明閣暗趖趖 寶藏佇佗嘛稍透露，頇顢的到陣是揣規晡 藏寶圖，藏寶圖，揣寶甘愛火金姑？ 用盡我所知的招數，稍反應一下甘毋好？ 尋寶時陣愛快樂，著愛放開平時的縛束 真濟寶的發現，發生佇意料外的接觸 爽時麥嫌癩戈，驚見笑攏是社會的遺毒 欲愛著做暗號，麥予相好的硞硞啊臆 身軀內的寶，藏佇迷宮的秘密通道 對的人來巡來挲，才會予咱面紅氣閣粗 相好斟酌哪揣，互相探索才算會和 有閒著做伙樂跎，兩人輪流舞探戈 藏寶圖，藏寶圖，揣著未？呀毋！ 藏寶圖，藏寶圖，藏佇佗？靠我的暗號 藏寶圖，藏寶圖，安呢創，甘好？ 到陣的相好，我的寶，等你來挖！

Tsông-pó-tôo Múi tsi̍t ê lâng ê sin-khu, lóng ū tsi̍t tiunn tsông-pó-tôo Lāi-té ū siāng-thian an ê ki-kuan, tsih tio̍ sin-thé ē tiô Sú-iōng tshiú-tsheh m̄-mài iánn-tio̍h, ka-kī mā tshuē-bô lōo Ki-kuan an tī toh, khò lán í-tsîng ê siong-hó Sîm-pó ê lōo, ū ê tít-tít, ū ê uan-uan-uat-uat li-khoo Ū-lâng tsiok gâu tshuē, ū-lâng án-tsuánn kà mā sa̍h-lóng-bô Múi ê sin-khu lóng bô-kāng, sîm-pó buē-tāng iōng kāng-khuán pōo Ū-ê khai-kuan khin-khin-á tsih, ū-ê ài bān-bān-á so Tsông-pó-tôo, tsông-pó-tôo, piau-sī bô-bîng koh àm-sô-sô Pó tshàng tī toh mā sió thàu-lōo, han-bân ê tò-tīn sī tshuē kui-poo Tsông-pó-tôo, tsông-pó-tôo, tshuē pó kam ài hué-kim-koo? Iōng tsīn góa sóo tsai ê tsiau-sòo, sió huán-ìng tsi̍t-ē kam m̄-hó? Sîm-pó sî-tsūn ài khuài-lo̍k, tio̍h-ài pàng-khui pîng-sî ê pa̍k-sok Tsin tsē pó ê huat-hiān, huat-sing tī ì-liāu-uāi ê tsiap-tsok Sóng sî mài hiâm thái-ko, kian-kiàn-siàu lóng sī siā-huē ê uî-tok Beh ài tio̍h tsò àm-hō, mài hōo siāng-hó ê khok-khok-á ioh Sin-khu lāi ê pó, tshàng tī bê-kiong ê pì-mi̍t thong-tō Tio̍ ê lâng lâi sûn lâi so, tsiah ē hōo lán mīn-âng khì koh tshoo Siong-hó tsim-tsiók ná tshuē, hōo-siang tham-sok tsai sǹg ē hô Ū-îng tio̍ tsò-hué lo̍k-tô, nn̄g-lâng lûn-liû bú than-ko Tsông-pó-tôo, tsông-pó-tôo, tshuē-tio̍h buē? Iâ-bo! Tsông-pó-tôo, tsông-pó-tôo, tshâng tī toh? Khò góa ê àm-hō Tsông-pó-tôo, tsông-pó-tôo, an-ne tshòng, kam hó? Tò-tīn ê siong-hó, góa ê pó, tán lí lâi óo!

The Treasure Map Everybody's body comes packed with a secret treasure map, Mother Nature buried those buttons; one touch and you snap! There's no instruction manual, even you can't figure it out, Where are the hidden buttons? Only ex-lovers know by now. Some trails run straight, some twist till they're hard to find, Some guys are natural pros, others stay clueless and blind. No two bodies are the same, so don't use the same old tricks, Some switches take a light tap, some need a slow-mo stroke to fix! Treasure map, treasure map! The path is pitch-black, signs all out of whack! Drop a hint where it is — the clumsy partner needs clear feedback! Treasure map, treasure map! Do I need a firefly to show the way? I used every trick in the book, give a moan or a shiver, okay?! Treasure hunting is joyful when you loosen up your chains. The greatest finds come from touches no one ever plans. Don't play stiff when it feels good — shame is just a social frame! Give a signal for pleasure, don't leave your lover in a guessing game! The treasures lie hidden in secret paths of a maze, When the right hands rub and rove, both your breaths set into a blaze! Pay attention to the vibe; that’s how two lovers get in tune, Spend some carefree time, enjoy each other like a tango beneath the moon. Treasure map, treasure map! Found it yet? NOT YET! Treasure map, treasure map! Where's it hidden? FOLLOW MY CLUES, YOU BET! Treasure map, treasure map! Doing it like this — FEELS GOOD? Hey my darling, my main prize, come dig it like you should!