台語詩-001 夯蜂的願望

夯蜂的願望 阮生來無採蜜，嘛無做工 逐工予姊妹飼，戇戇轉大蜂 看怹無閒舞歸工，採蜜弄花叢 彼毋是阮的命，阮的向望 做一隻夯蜂，心願敢一項 天色若好，飛去天頂揣母蜂 日頭若曬，雙翅就開始撇 肖想欲交配，身軀像火佇燒熱 做一隻夯蜂，生來就是行這行 鼻著彼味，痟甲擛翅面帶紅 千蜂衝磅咧搶，萬蜂莽闖咧紡 彼隻妖嬌的母蜂 散發最危險的迷魂香 夯蜂的兄弟啊，敢有阮遮爾勥？ 犧牲我就好，恁的宿命佇隔轉工 就算身體將亡，受爆炸後的疼痛 交到迷魂的母蜂，是我一生的願望 飛啊飛上天，拼命予伊看我偌勥 求伊看上目，這生才袂無彩工 妖嬌的蜂母，我只愛身軀起震的短暫 予我爬上你身軀 做你這世的尪

Hang-phang ê guān-bōng Gún senn-lâi bô tshái-bi̍t, mā bô tsò-kang Ta̍k-kang hōo tsí-bē tshī, gōng-gōng tńg tōa-phang Khuànn in bô-îng bú kui-kang, tshái-bi̍t lāng hue-tsâng He m̄-sī gún ê miā, gún ê hiòng-bāng Tsò tsi̍t-tsiah hang-phang, sim-gūn kánn tsi̍t-hāng Thinn-sek nā hó, pue khì thinn-tíng tshuē bú-phang Ji̍t-thâu nā pha̍k, siang-sit tō khai-sí phiat Siau-siūnn beh kau-puè, sin-khu tshiūnn hué tī sior-jia̍t Tsò tsi̍t-tsiah hang-phang, senn-lâi tō-sī kiânn tsit hâng Phinn tio̍h hit bī, siáu-kah ia̍t-sit bīn tài âng Tshian-phang tshōng-pōng leh tshiúnn, bān-phang bóng-tshóng leh pháng Hit tsiah iau-kiau ê bú-phang Sàn-huat tsùe gûi-hiám ê bê-hûn-phang Hang-phang ê hiann-tī--ah, kám ū gún tsiah-nī khiàng? Hi-sing guá tō hó, lín ê sok-miā tī keh-tńg-kang Tō sǹg sin-thé tsiong bông, siū po̍k-tsà āu ê thiann-thòng Kau tio̍h bê-hûn ê bú-phang, sī gún it-sing ê guān-bāng Pue-ah-pue tshiūnn thinn, piànn-miā hōo i khuànn góa guā khiàng Kiû i khuànn-tshiūnn ba̍k, tsit-sinn tsiah buē bô-tshái-kang Iau-kiau ê phang-bú, góa tsí ài sin-khu khí-tsūn ê té-tsám Hōo góa pê tshiūnn lí sin-khu Tsò lí tsit-sì ê angg

The Drone Bee's Wish Born to gather no honey, no labor to bear, Fed by my sisters, growing up without care. I watch them toil all day, visiting flowers and collecting nectar, But that is not my fate, nor the dream I hunger. Born as a drone, I just have one desire: When skies are clear, to fly and seek the queen in the air. The scorching sun beats down, my wings begin to flit, Craving for the climax, my body is fiercely in heat. Born for this trade, to this path I conform. Catching her scent, I craze, my wings whip a storm. A thousand drones charge ahead, ten thousand wildly spin, That seductive queen above, Exudes her lethal sin. Brothers of mine, is there any as strong as I? Let me die first; your tomorrow is yet to fly. Though my body will shatter, in exploding pain and gore, To fuse with that mesmerizing queen, is all I’m living for. Up into the sky, I fight to prove my might, To catch her royal gaze, to make this life go right. My seductive queen, for that brief, vibrating spark, Let me mount your body, And leave my dying mark.